節目

立邦抗病毒兒童漆系列特約:香港空間改造王 – 第6集

今集要改造嘅空間,並唔係住宅,而係位於旺角嘅一間韓烤店,呢間餐廳面積接近3200呎,九年前開業,為咗營造街頭文化嘅格調,呢度嘅牆壁都畫滿咗塗鴉同壁畫,可惜再鮮艷嘅畫都敵唔過每日喺度瀰漫住嘅油煙,整間餐廳都開始殘舊,Kison係今次大改造嘅設計師,佢覺得呢間韓烤店唔單止係空間嘅翻新同規劃,仲想透過呢間韓烤店,去展現出韓國文化同香港本土情懷嘅結合。為咗可以盡快重新營業,今次嘅工程預算要喺5至6星期之內完成,呢個目標究竟能唔能夠順利達到呢?喺改造過程中又會遇到咩困難呢?